Apsoriasis Apsoriasis Euskadiko irabazi asmorik gabeko elkarte bat da, eta laguntza etaaholku ematen dizkie psoriasia dutenei, haien senideei eta gaixotasunaz jakin nahi dutenei.

Horretarako, elkarteak ondoko lan hauek bete nahi ditu:

:: Informazioa eta laguntza eman psoriasia dutenei.
:: Bazterketari eta informazio faltari aurre egin.
:: Elkartearen asmoak aurkeztu eta defendatu erakunde publikoen aurrean.
:: Harremanak izan gaixotasuna ikergai duten Erakunde eta Elkarteekin, bertakoekin zein kanpokoekin.
:: Ikerketak bultzatu gaixotasunaren eraginaz, bilakaeraz, terapiaz eta etiologiaz.

Informazio hutsuneak betetzeko asmoz elkarteak hainbat ekimen garatzen ditu, adibidez: aldizkariak egin eta zabaldu, aldizkako bilerak antolatu eta osasun eta heziketa gaiak jorratzeko hitzaldiak prestatu.